Тренерот на Наполи, Антонио Конте се обидува да ги смири емоциите по ремито со Удинезе. Наполитанците синоќа одиграа 1.1 со Удинезе на домашен терен, што во италијанските медиуми е преставено како неуспех.
Навивачите на Наполи вечат дека ова е кикс кон патот до шампионската титула, додека тренерот се обидува да објасни дека тоа не било ни во план.
-Ремито со Удинезе не е катастрофа. Ова е добар тим со добри играчи. Ова не е пропуштена шанса. Да не бегаме од реалноста. Во следните 14 натпревари треба да обезбедиме пласман во европските купови. Тоа беше барањето на клубот кога пристигнав. Ова ги вклучува Лига Европа и Конференциската лига. Сега сме во позиција каде што секој би сакал да биде, но колку сте поблиску до врвот, толку ветровите се посилни. Во последните девет натпревари имаме седум победи и две нерешени, а израмнувачкиот гол против Рома го примивме во 93. минута, изјави тренерот на Наполи, Антонио Конте.
Тој смета дека неговите фудбалери постигнуваат резултати над сите очекувања.
