УЕФА соопшти дека италијанскиот судија, Фабио Мареска нема да суди на денешниот натпревар од Лигата на шампиони (ЛШ) меѓу ПСВ и Спортинг во Ајндховен.
Мареска требаше да биде четврти судија, но беше избришан од списокот бидејќи на мечот од кувајтското првенство меѓу Кувајт и Ал Араби му се заканувал на еден од играчите со смрт!
Мареска беше јавно обвинет за закани, по што УЕФА брзо реагираше и го симна од списокот за натпреварот од ЛШ.
Неговото место ќе го пополни сонародникот, Даниеле Довери. Главен судија на натпреварот ќе биде Марко Гуида, а помошници Чиро Карбоне и Џорџо Перети. Минатата сезона Мареска го судеше натпреварот од Купот на Хрватска меѓу Динамо и Хајдук на Пољуд.
