Судејќи според информациите од официјалната интернет страница на ФК Партизан, овој некогаш познат клуб – веќе нема управа! пишуваат белградските медиуми.
Кога ќе се кликне на опцијата „менаџмент на клубот“, не се добива ништо – само црна површина. Во сето тоа има многу симболика.
За „црно-белите“ би било одлично ако ова не беше грешка на интернет страницата, односно ако најлошото раководство во клупската историја си ги спакуваше куферите и ја напуштеше Хумска.
Партизан е на најниската точка во клупската историја. Клубот од Хумска е со километри оддалечен од борба за титулата во српскиот фудбал, а впечаток е дека ќе биде многу тешко дури и да се стигне до вицешампионската позиција.
Покрај се’ летово за кратко време испадна од трите европски натпреварувања, од Лигата на шампиони (ЛШ), Лига Европа (ЛЕ) и од Лигата на конференции (ЛК).
