Американската фудбалерка, Алекс Морган денеска објави крај на играчката кариера. Одлуката Морган (35) ја објави преку видео на социјалната мрежа Х.
„Фудбалот е дел од мене веќе 30 години, и тоа беше една од првите работи во кои се заљубив. Дадов се’ за овој спорт и она што го добив за возврат е повеќе отколку што некогаш можев да сонувам.
Успех за мене се дефинира со тоа што никогаш не се откажувам и давам се’ од себе“, објави Морган појаснувајќи дека е бремена и оти го чека второто дете.
“Јас сум бремена. Колку и да е ова неочекувано, ние сме пресреќни. За мене семејството е сè, не би била тука без мојот сопруг и без семејството. Ме креваат, ме мотивираат, охрабруваат, расположуваат и се жртвуваат за мене во последните 15 години како професионален спортист“, додаде Морган која последниот натпревар за нејзиниот клуб Сан Диего вејв ќе одигра в недела.
Морган освои две Светски првенства (СП) во 2015, 2019-та и златен медал на Олимписките игри (ОИ) 2012 година со репрезентацијата на САД, за која забележа 224 настапи и постигна 123 гола.
Поголемиот дел од клупската кариера го мина во САД, а во Европа играше за Лион и за Тотенхем.
