Рафаел Надал реши да не учествува на Лејвер купот во Берлин од 20 до 22 септември иако не е повреден. Едноставно тој се повлече од егзибицискиот тениски настан организиран од неговиот голем ривал и пријател, Роџер Федерер.
Како и многупати досега, првата помисла беше дека Надал е повреден, јасно е дека со години се бори со „илјада проблеми“, но испадна дека тоа воопшто не е така!
Надал објасни дека не е повреден и дека само сака да му го отстапи местото на друг тенисер, што беше голем шок за сите:
– Многу сум разочаран што морам да споделам со вас дека јас нема да се натпреварувам на Лејвер купот што се игра во Берлин следната недела. Ова е екипно натпреварување и за да му помогнам за тимот на Европа, морам да го направам тоа што е најдобро за тимот. Во моментов има и други играчи кои можат да му помогнат на тимот да победи, беше се’ што кажа „Бикот од Мајорка“ за необичната одлука.
A statement from @RafaelNadal regarding Laver Cup Berlin 2024: “I’m really disappointed to share that I won’t be able to compete at the Laver Cup in Berlin next week.
This is a team competition and to really support Team Europe, I need to do what’s best for them and at this… pic.twitter.com/Y9i0T61kbA
— Laver Cup (@LaverCup) September 12, 2024
Веќе е одлучено на местото Надал да игра Бугаринот, Григор Димитров. Во тимот, чиј „селектор“ е Бјерн Борг ќе бидат уште Каспер Руд, Стефанос Циципас, Карлос Алкараз, Александар Зверев и Данил Медведев.
Од друга страна, „Светскиот тим“ ќе го предводи Џон Мекинро и на располагање ќе ги има Алехандро Табил, Алекс де Минор, Тејлор Фриц, Бен Шелтон, Томи Пол и Френсис Тиафо.
Новак Ѓоковиќ не беше во комбинација за Лејвер купот и не се знае дали воопшто е повикан, а последен пат на тениското збогување на Роџер Федерер учествуваше во 2022 година. Многумина шпекулираа дека на овој турнир би можел да се прости и Надал, но очигледно тоа нема да се случи.
