Познат е распоредот на натпревари од плеј-офот и плеј-аутот во македонската ракометна Суперлига, а веќе во првото коло имаме дерби, Вардар на домашен терен ќе игра против Алкалоид.
Мечевите ќе се играат на 2/3 април, во продолжение и другите парови од плеј-офот првото коло: Бутел Скопје – ГРК Охрид и Тиквеш – Еурофарм Пелистер.
Во третото коло актуелниот шампион Еурофарм Пелистер ќе го пречека Алкалоид, а во петтото коло битолскиот тим ќе игра против Вардар.
Па, следува дербито во шестото коло помеѓу Алкалоид и Вардар, а во осмото коло Алкалоид е домаќин на Еурофарм Пелистер.
Во првото коло од плеј-аутот се среќаваат: Прилеп – Фруит Ленд Борец, Пролет 62 – Струга, МРК Куманово – Радовиш.
