Ракометарот аа репрезентацијата на Словенија Блаж Благотиншек истакна дека сите се свесни дека ги чека жешка атмосфера во Скопје заради распродадената сала, но тоа додатно ги мотивира.
-Очекувам тежок меч во Скопје. Свесни сме дека салата е распродадена веќе подолго време, исто знаеме дека Македонија има многу жестоки и страствени навивачи. На последното Светско првенство, тие покажаа дека се со својот тим. Но, ние живееме за вакви натпевари, па така едвај чекам на дуелот, изјави Благотиншек.
Натпреварот меѓу Македонија и Словенија се игра на 12 март во СЦ „Борис Трајковски“. Салата е целосно распродадена.
