Холандија запиша важна победа против Швајцарија во продолжување на сонот за пласман во полуфиналето. „Лалињата“ без проблем славеа против Швајцарија совладувајќи ја со 37-29.
Одличната игра во првото полувреме практично беше одлучувачка за триумфот на ракометарките на Холандија кои ќе чекаат расплет на денешните мечеви и секако на последните пресметки од главната рунда кои се закажани за во среда.
Левото холандско крило Зои Шпренгерс е најдобар стрелец со седум гола од седум обиди, таа беше прогласена за играч на натпреварот. Дафне Гоши имаше шест гола и шест асистенции кај Швајцарија.
