Денвер нагетс загубија од Портланд трејлблејзерс во напната завршница 124:126. Херој на средбата беше Анферни Симонс кој натпреварот го заврши со 28 поени, а двата најважни ги постигна со звукот на сирената, во последната секунда од мечот.
ANFERNEE SIMONS GAME WINNER.
— Hoop Central (@TheHoopCentral) December 20, 2024
Симонс го мина својот чувар, Расел Вестбрук, Никола Јокиќ не го затвори навреме влезот кон кошот и Портланд победи со тие поени.
Српскиот центар и актуелен МВП одигра одличен натпревар за Денвер, даде 34 поени, имаше осум асистенции и шест скока. Но, доби критики за (не)играњето одбрана во последниот напад. Корисниците на Х напишаа многу лоши работи за српскиот центар.
Јокиќ игра фантастична сезона и сам ги влече Нагетс кои не се на исто ниво како минатата сезона. Тие се на шестото место во Западната конференција со скор 14:11. Јокиќ има ефект од 31 поен, 13 скока и 10 асистенции по натпревар. Ова го прави најефективниот играч во лигата сезонава.
