Светската кошаркарска федерација (ФИБА) му посвети посебен текст на селекторот на Србија во заминување, Светислав Пешиќ.
Пешиќ остави длабока трага во светската кошарка, па не е чудно што ФИБА реши да се огласи кога објави дека го завршил своето селекторување. Сепак, ваквите убави зборови позитивно ги изненадија сите.
– Пешиќ е еден од најголемите тренери на сите времиња, објави ФИБА, правејќи преглед на неговата кариера.
The legend is bidding his farewell to Serbia
— FIBA (@FIBA) September 12, 2024
Таму се зборува за златото со Германија на Евробаскетот 1993 година, потоа за уште две злата, на Европското и Светското првенство со Југославија, во 2001 и 2002 година, па до последните успеси постигнати со српската репрезентација на Мундобаскетот 2023 (сребро) и на Олимписките игри (ОИ) годинава (бронза).
ФИБА истакнува дека Србинот е член на нивната „Куќа на славните“ од 2020 година и на крајот додава дека „Пешиќ ја остава Србија во добра ситуација и ја напушта меѓународната кошарка како победник“.
